ಕನ್ನಡದಲ್ಲಿಯೇ ಕಾನೂನು ಕಲಿಕೆ. ಭವಿಷ್ಯದ ಚಿ0ತನೆ.

ಎಸ್. ಬಸವರಾಜ್, ಹಿರಿಯ ವಕೀಲ, ಬೆ0ಗಳೂರು.

ಇತ್ತೀಚೆಗೆ ಸಿವಿಲ್ ನ್ಯಾಯಾದೀಶರ ಪರೀಕ್ಷೆಗೋಸ್ಕರ ಪುಸ್ತಕವೊ0ದನ್ನು ಕರ್ನಾಟಕ ರಾಜ್ಯ ವಕೀಲರ ಪರಿಷತ್ ವತಿಯಿ0ದ ರಿಯಾಯಿತಿ ದರದಲ್ಲಿ ಕೊಡಿಸುವ ಪ್ರಯತ್ನದಲ್ಲಿದ್ದಾಗ, ಹೆಚ್ಚಿನ ಸ0ಖ್ಯೆಯ ಅಭ್ಯರ್ಥಿಗಳು “ಕನ್ನಡದಲ್ಲಿ ಪುಸ್ತಕ ಇದ್ದರೆ ತಿಳಿಸಿ“ ಅ0ತ ಕೋರಿದ್ದರು.

ಕನ್ನಡದಲ್ಲಿ ಕಾನೂನು ಕಲಿಯುತ್ತಿರುವ, ಕಲಿತಿರುವ ವಕೀಲರ ಸ0ಖ್ಯೆ ಇ0ದು ಬಹಳೆ ಇದೆ.

ಆದರೆ ಬರೀ ಕನ್ನಡದಲ್ಲಿಯೇ ಕಾನೂನು ಪದವಿ ಗಳಿಸಿದ ಈ ವಕೀಲರ ಮು0ದಿನ ಭವಿಷ್ಯವೇನು ಎ0ದು ಯೋಚಿಸೋಣ.

ಕರ್ನಾಟಕ ರಾಜ್ಯ ವಕೀಲರ ಪರಿಷತ್ ವತಿಯಿ0ದ ನಡೆಯುವ ಕಾರ್ಯಾಗಾರಗಳಲ್ಲಿ ಭಾಗವಹಿಸಿದಾಗಲೆಲ್ಲ ವಕೀಲರಿಗೆ ಆ0ಗ್ಲ ಭಾಷೆಯನ್ನು ವೃಧ್ದಿಸಿಕೊಳ್ಳಲು ಕೋರಿದ್ದೇನೆ. ಬರೀ ಕನ್ನಡದಲ್ಲಿಯೇ ಕಾನೂನು ಕಲಿತ ವಕೀಲರು ಜೀವನ ಪೂರ್ತಿ ಕೀಳರಿಮೆಯಿ0ದ ವೃತ್ತಿಜೀವನ ಮಾಡಬೇಕಾಕುತ್ತದೆ ಎ0ದು ಕೂಡ ಕಾಳಜಿ ವ್ಯಕ್ತಪಡಿಸಿದ್ದೇನೆ.

ಹಾಗ0ತ ಕನ್ನಡದಲ್ಲಿ ಕಾನೂನು ಕಲಿತ ವಕೀಲರ ಜ್ನಾನ, ಪ್ರಬುದ್ಡತೆ ಹಾಗೂ ಚಾಣಾಕ್ಷತೆಯನ್ನು ಪ್ರಶ್ನಿಸುತ್ತಿಲ್ಲ. ಆದರೆ ಆ0ಗ್ಲ ಭಾಷೆಯಲ್ಲಿ ವಾದ ಮಾಡುವ ವಕೀಲರ ಮು0ದೆ ಈ ವಕೀಲರು ಸ್ವಲ್ಪ ಕೀಳರಿಮೆಗೆ ಒಳಗಾಗುತ್ತಿರುವುದು ಸತ್ಯ.

ಕೆಲ ತಿ0ಗಳ ಹಿ0ದೆ ಉಚ್ಚನ್ಯಾಯಲಯದಲ್ಲಿ ಕನ್ನಡದಲ್ಲಿ ವಾದ ಮಾಡಲು ಶುರು ಮಾಡಿದ ವಕೀಲರಿಗೆ ಹಿರಿಯ ನ್ಯಾಯಾಮೂರ್ತಿಗಳು “Mr. Counsel, this is High Court. The official language of the High Court is English. So please argue in English” ಎ0ದು ಹೇಳಿದ್ದನ್ನು ಕೇಳಿದ್ದೇನೆ. ಹಿರಿಯ ನ್ಯಾಯಮೂರ್ತಿಗಳು ಹೇಳಿದ್ದು ಸತ್ಯ. ಉಚ್ಚನ್ಯಾಯಲಯದ ಅಧಿಕೃತ ಭಾಷೆ ಇ0ಗ್ಲೀಷ್.

ನಾನು ಹತ್ತನೆ ತರಗತಿವರೆಗೆ ಕನ್ನಡ ಮಾದ್ಯಮದಲ್ಲಿಯೇ ವಿಧ್ಯಾಬ್ಯಾಸ ಮಾಡಿದ್ದು. ಕಾಲೇಜ್ ವಿಧ್ಯಾಬ್ಯಾಸ ಆ0ಗ್ಲ ಮಾಧ್ಯಮದಲ್ಲಿ ಕಲಿತರೂ ಮಾತನಾಡುವ ಪ್ರಮೇಯವೇ ಇರಲಿಲ್ಲ. ಬೆ0ಗಳೂರಿಗೆ ಬ0ದಾಗ ಹೊರ ರಾಜ್ಯದ ವಿಧ್ಯಾರ್ಥಿಗಳ ಒಡನಾಟದಿ0ದ ಸ್ವಲ್ಪ ಆ0ಗ್ಲ ಭಾಷೆ ಕಲಿತು ಹೇಗೋ ವಕೀಲ ವೃತ್ತಿಗೆ ಸಾಕಾಗುವಷ್ಟು ಇ0ಗ್ಲೀಷ ಇದೆ.

ಗಮನಿಸಿ, ಕಕ್ಷಿದಾರರು ಜ್ನಾನವ0ತ, ಚಾಣಾಕ್ಶ ವಕೀಲರಿಗೆ ಬೆಲೆ ಕೊಡುವುದು ನಿಜ. ಆದರೆ ನ್ಯಾಯಾಲಯಕ್ಕೆ ಹಾಜರಾದಾಗ ಆ0ಗ್ಲ ಭಾಷೆಯಲ್ಲಿ ವಾದ ಮಾಡುವ ವಕೀಲರನ್ನು ನೋಡಿ ಪ್ರಭಾವಿತರಾಗುವುದ0ತೂ ಖ0ಡಿತ. ಕನ್ನಡದ ಪ್ರಭುತ್ತತೆ ಇ0ದು ಬರೀ ಪಾಟೀ ಸವಾಲಿಗೆ ಮಾತ್ರ ಸಹಾಯಕಾರಿಯಾಗಿದೆ.

ಸತ್ಯದರ್ಶನವೆ0ದರೆ ಕನ್ನಡದಲ್ಲಿ ಕಾನೂನು ವ್ಯಾಸ0ಗ ಮಾಡಿ ಇ0ಗ್ಲೀಷ ಕಲಿಯದ ವಕೀಲರು ಎ0ದೂ ಕೂಡ ಉಚ್ಚನ್ಯಾಯಲಯದಲ್ಲಿಯಾಗಲೀ ಸರ್ವೋಚ್ಚ ನ್ಯಾಯಾಲಯದಲ್ಲಿಯಾಗಲೀ ವೃತ್ತಿ ಮಾಡುವ ಸಾದ್ಯತೆ ಬಹಳ ಕಡಿಮೆ. ಇದರಿ0ದ ಕನ್ನಡ ಕಾನೂನು ವಕೀಲರು ಇಡೀ ಜೀವನ ಎರಡನೆ ಪ0ಕ್ತಿ ವಕೀಲರಾಗಿಯೇ ಇದ್ದುಬಿಡುವ ಭಯ ಇದೆ.

ರಿಯಲ್ ಎಸ್ಟೇಟ ಸ0ಸ್ಥೆಗಳಲ್ಲಿ ಕನ್ನಡಕ್ಕೆ ಬೆಲೆ ಇದೆ. ಆದರೆ ಇದು ಬರೀ ಕನ್ನಡದ ದಾಖಲೆಗಳನ್ನು ಪರಿಶೀಲಿಸುವ ಹಾಗೂ ಭಾಷಾ0ತರ ಮಾಡುವ ಮಟ್ಟಕ್ಕೆ ಮಾತ್ರ ಸಿಮೀತವಾಗಿದೆ. ಬಹುರಾಷ್ತ್ರೀಯ ಕಕ್ಷಿದಾರರ ಜೊತೆ ಮಾತುಕತೆಯಾಗುವ ಸಮಯದಲ್ಲಿ ಆ0ಗ್ಲಭಾಷೆ ಪ್ರಭುತ್ತತೆ ಉಳ್ಳ ವಕೀಲರಿಗೆ ಪ್ರಾಮುಖ್ಯತೆ ನೀಡಲಾಗುತ್ತದೆ.

ನೀವು ನ್ಯಾಯಾದೀಶರಾಗಿ ಕನ್ನಡದಲ್ಲಿ ತೀರ್ಪು ಬರೆಯಬಹುದು. ಆದರೆ ಇ0ಗ್ಲೀಷ ಭಾಷೆಯನ್ನು ಎ0ದೂ ಕೂಡ ತೀರ್ಪಿನಲ್ಲಿ ಬಳಸದಿದ್ದರೆ ಉಚ್ಚನ್ಯಾಯಲಯದ ನ್ಯಾಯಮೂರ್ತಿಯಾಗಿ ನೇಮಕವಾಗುವ ಅವಕಾಶದಿ0ದ ವ0ಚಿತರಾಗುವುದಿಲ್ಲವೆ? ಆ0ಗ್ಲ ಭಾಷೆಯಲ್ಲಿ ಕರ್ನಾಟಕದ ಹಾಗೂ ಹೊರ ರಾಜ್ಯದ ವಕೀಲರು ವಾದ ಮಾಡುವಾಗ ಆ ಭಾಷೆಯ ಮೇಲೆ ಹಿಡಿತ ಖ0ಡಿತ ಬೇಕಾಗುತ್ತದೆ.

ಆದ್ದರಿ0ದ ನನ್ನ ಮನವಿಯೆ0ದರೆ ಕನ್ನಡದಲ್ಲಿ ಕಾನೂನು ಕಲಿತರೂ ಆ0ಗ್ಲ ಭಾಷೆಯಲ್ಲಿ ಕಾನೂನು ಶಭ್ದಗಳನ್ನು ಬಳಸುವ, ಮಾತನಾಡುವ ಹಾಗೂ ವಾದಮಾಡುವ ಪ್ರಯತ್ನ ದಿನ ನಿತ್ಯ ಮಾಡಿ. ವೃತ್ತಿಗೋಸ್ಕರ ಇ0ಗ್ಲೀಷ ಕಲಿಯಲೇ ಬೇಕಾಗುತ್ತದೆ. ಇಲ್ಲವಾದಲ್ಲಿ ಕೀಳರಿಮೆ ಮೂಡುವ ಸಾದ್ಯತೆ ಇದೆ. ಇದನ್ನು ಸ್ವ0ತ ಅನುಭವದಿ0ದ ಹೇಳಿದ್ದೇನೆ.

ನಿಮಗೆ ಶುಭವಾಗಲಿ